| Под мотото „Сакам да пеам можам да пеам - сакам да свирам можам да свирам и сакам да играм можам да играм“ на 3 декември 2014 година во Универзалната сала ќе биде одржан традионалниот хуманитарен концерт „Аплаузи“, со кој ќе биде одбележан Светскиот ден на лицата со хендикеп - 3 декември. Концертот е во организација на хуманитарното здружение „Кралицата Есма и Стево Теодосиевски“ во партнерство со Универзална сала, а ќе настапат деца од специјалните училишта, иснистуции и домови во Република Македонија. Покровител на третиот хуманитарен концерт „Аплаузи“ е министерот Диме Спасов, министерство за труд и социјала. Ќе настапат учесници од: “ПОУ ИДНИНА”, ПОУ “ЗЛАТАН СРЕМЕЦ”, “ДУРМОВ ДИМИТАР ВЛАХОВ”, “ЗАВОД ЗА РЕХАБИЛИТАЦИЈА НА ДЕЦА И МЛАДНИЦИ”, Ј.У. детски дом “11 ОКТОМВРИ”, ДСУ “СВЕТИ НАУМ – ОХРИДСКИ”, ДУЦОР “ПАРТЕНИЈА ЗОГРАФСКИ”, СОС “ДЕТСКО СЕЛО” , ПОУ “Маца Овчарова”-Велес, Завод за рехабилитација “Кочо Рацин” Битола, Хуманитарна Асоцијација “Светот на дланка”, Ј.У. „ДЕМИР КАПИЈА” и здружение на лица со телесен инвалидитет “СКОПЈЕ МОБИЛНОСТ”. На концертот ке настапат и познати музички имиња кои ќе ја збогатат програмата. Влатко Илиевски Новица и Татјана Лазаревски Есма Реџепова Sarah Mace КУД ,,Гоце Делчев" Дарко Илиевски Димитар Андоновски Вејчеслав Поповски Цената на билетот е 100 денари, а средствата ќе бидат наменети за децата со посебни потреби од сите институции што ќе настапат. |