| Јавната Установа Центар за организирање приредби Универзална сала -Скопје, согласно одлуката на Управниот одбор на 8ми јануари 2015 година, го промени својот назив во “ Јавна Установа Конгресен Центар Александар Македонски”. Конгресниот центар Александар Македонски најавува изградбата на новиот објект , кој според проектната задача, ќе биде мултимедијален центар и ќе има повеќе составни делови. Еден од нив е голема концертна сала со капацитет од 2500 седишта која е именувана во Универзална сала Тоше Проески и две помали мултинаменски сали со капацитет од 200 и 300 седишта. Универзалната сала беше резултат на хуманоста на повеќе од 20 држави кои по катастрофалниот земјотрес што ја погоди македонската престолнина Скопје во 1963 година увидоа потреба од создавање место каде што македонскиот народ ќе ја промовира националната култура и уметност, но и културата и уметноста на другите нации. |
||
|
|
Со капацитет од 1700 седишта, Универзалната Сала од први јануари 1966 година стана дом на срцата на вљубениците во културата и уметноста, место каде што се креираше македонскиот културен и уметнички модернизам, задржувајќи го приматот на писател на историјата на македонската култура и уметност во последнит 45 години. Капацитетот и сценските простор овозможија услови публиката да ја следи реализацијата на бројни настани од повеќе жанрови. Во овие 45 години од постоењето Универзална Сала беше домаќин на повеќе од 300 театарски претстави проследени од над 250.000 посетитеи, 17 мјузикли и 60 оперски претстави |
|
|
Токму овие податоци потврдуваат дека Универзална Сала беше важен актер во креирањето на културната свест во Република Македонија, поради што и во иднина Конгресниот центар Александар Македонски ќе продолжи да ја создава и промовира новата историја на македонската култура и уметност. |
||
Историја
| Непосредно по катастрофалниот земјотрес во Скопје, во 1963 година, како трајно одбележување на хуманата акција на дарителите од странство, беше започната изградбата на Универзална Сала, сега преименувана во Конгресен Центар ,, Александар Македонски,,. Катастрофата му донесе на Скопје низа контакти со светот. Човечката солидарност дојде до целосен и безрезервен израз на сите полиња од животот. Во областа на културата, тоа се изрази преку манифестацијата „Средба на солидарноста", која се реализираше во првата година по земјотресот во Скопје. Оваа манифестација имаше за цел еднаш годишно да ги собере во Скопје претставниците на земјите кои му укажаа помош на разурнатиот град. Манифестацијата за прв пат се одржа во 1964 година, а траеше од 26-ти јули до 2- ри август, а ја организираше Универзална Сала. Манифестацијата ги обедини сите културни ансамбли и спортски екипи од земјите-донатори. Но, по земјотресот, Скопје се соочи со недостаток од „Универзална сала" каде ќе се организираат сите манифестации од ваков карактер, по што „Дирекцијата за комунална и станбена изградба на Скопје" донесува одлука за изградба на еден ваков објект. Во изградбата, со значајна материјална (финансиска) помош учествуваа повеќе од 35 држави од светот, со чии средства е купен монтажниот објект „Универзална сала" од бугарската компанија „Техноекспортстрој". Договорот за купопродажба на објектот за сала со капацитет од 1.800 седишта е потпишан на 11 јули 1964 година во Софија. Официјално Универзална Сала започна со работа на 01 Јануари 1966 година. |
Мисија и визија
| Конгресниот центар „Александар Македонски“ односно Универзалната Сала која веќе 48 години ја негуваше културата и уметноста во Македонија има за цел долгорочно да им овозможи на граѓаните од Македонија и пошироко да уживаат во перформансот на бројни театри, ансамбли, музички домашни, балкански но и светски ѕвезди, спортски ѕвезди итн. Мисијата и визијата на Конгресен Центар „Александар Македонски“ е: - Да прерасне во мултимедијален центар со современ изглед - Да продолжи да ја негува културата и уметноста во Република Македонија - Да стане „оаза" на мултимедијална опрема која ќе овозможи непречена организација на манифестации од секаков вид - Да остане сала која има посебен дух, што и е главен адут во привлекувањето на организатори и посетители - Да стане една од најакустичните сали во светот - Да продолжи да ја докажува општествената оправданост - Да продолжи со соработката со сите културни институции - На Скопје да му овозможи забава на дневна основа со привлекување на поголем број странски ѕвезди итн. Во овие 48 години од постоењето Универзалната Сала беше домаќин на повеќе од 400 театарски претстави проследени од над 300.000 посертители, 17 мјузикли и 60 оперски претстави проследени од околу 75.000 љубители на музиката, повеќе од 175 џез-концерти, 74 балетски претстави, 40 концерти на етно-музика, над 160 концерти од областа на сериозната музика, околу 120 хуманитарни претстави, над 600 концерти и од забавната и од народната музика, како и 970 претстави и концерти за деца. Заедно со останатите 2.500 културни настани, Универзална Сала за 48 години беше домаќин на околу седум милиони посетители на околу 5.000 настани. Оттука, мисијата и визијата на новиот Конгресен Центар „Александар Македонски“ се овие бројки да растат, што ќе ја направи институцијата попозната во светски рамки, а со тоа и поатрактивна за домашните и странските уметници. |
Награди и признанија
| Универзална Сала во текот на своето работење низ изминатите 48 години многу пати беше наградувана, одликувана со посебни признанија, и се доделени неколку стотици благодарници. Во прилог ви прикажуваме само дел од признанијата кои Универзална Сала како културно- уметнички центар ги има добиено: - ЗАМП Македонија- Благодарност за особен придонес во развојот и заштитата на авторските музички права во Македонија - Благодарница од Црвен Крст на Град Скопје - СОС Детско село- Благодарност за поддршка на децата од СОС Детско село - Здружение за развој на дарбите на лицата со посебни потреби- Таленти- Скопје- Благодарница за несебична поддршка во реализација на целите и заложбите на здружението - Благодарница од ансамбл на народни игри и песни Орце Николов - Ансамбл на народни песни и ора Кочо Рацин- Признание за искучителна соработка и долгогодишна поддршка во реализација на целите и заложбите на ансамблот - Благодарница од културно уметничко друштво Емин Дураку - Буден Театар- Благодарница за поддршка и професионалност во првото издание на меѓународниот фестивал за куклен театар за деца- ФЕНЕР - Фестивал на детска песна Златно Славејче- Благодарница за исклучителна соработка и долгогодишна поддршка во реализација на фестивалот - Здружение на социјални работници на Град Скопје- Благодарница за поддршка на хуманитарен концерт „Од нас за вас“ - Општинска Организација на Црвен Крст Чаир- Скопје- Благодарница за хуманост и покажани резултати во остварувањето на задачите и целиот на Црвениот Крст. - Геронтолошки завод „13 Ноември“ и Фондација „Сју Рајдер“- Благодарница за несебично залагање, хуман гест и разбирање, како и придонес во успешното остварување на проектот Дом „Сју Рајдер“ - Црвен Крст на Македонија- Повелба за долгогодишна активност и соработка врз хуманите задачи, јакнењето на солидарноста, на братството и единството на народите и народностите и за придонес кон натамошниот развој на Црвениот Крст во месните заедници, организации на здужен труд, општините и Градот - Прв фестивал за забавни мелодии „Нота Фест 95“- Благодарница во знак за благодарност за посебен придонес во реализација на фестивалот - Рудници и железарница Скопје- Благодарница за посебно залагање и соработка во успешно извршување на поставените задачи - Благодарница од Сојуз на организации на жени на Македонија - Културно- информативен центар Скопје- Благодарница во знак на благодарност за посебен придонес во афирмирањето на дејностите на центарот - Културно уметничко друштво на ромите од Скопје „Пралипе“- Пофалница за особена соработка и разбирање - Совет на училиште за средно образование „Орце Николов“ Скопје- Признание за особен придонес во работата и развојот на училиштето - Сојуз на фолклорни ансамбли на Република Македонија „СОФАМ“- Благодарница за перманентаната поддршка на Фолклорните ансамбли од Скопје и Републиката. |
